3
Detektive Digital di Plèstik
Curaçao
Detektive Digital di Plèstik
Curaçao
Kontenido
E playlist aki ta empoderá hóbennan, trahadónan hubenil i organisashonnan hubenil pa enbolbí kreativamente ku e tema di polushon di plèstik pa medio di “Rapportnan di Detektivo di Plèstik”—rapportnan di video di formato kòrtiku (adekuá pa TikTok, Instagram, etc) ku ta investigá uso di plèstik, desperdisio i solushonnan den nan ambiente.
E ta usa tutorialnan di Youtube, hèrmèntnan grátis, guia paso pa paso, i tareanan reflektivo ku ta sostené edukashon di sostenibilidat konfiabel, kreativo i ku ta usa medionan di komunikashon.
Dor di gana badge, partisipantenan ta haña kredensialnan den komunikashon ambiental i kontamentu di historia digital, miéntras ta kontribuí na un futuro mas sostenibel.
E actividad aki ta kuadra ku SDG 12 (konsumo i Produkshon Responsabel). Partisipantenan ta eksplorá asuntunan di desperdisio di plèstik lokal i mundial i ta usa video pa komuniká resultadonan i inspirá kambio.
Dor di kompletá e aktividat aki, bo lo
- Krea un rapòrt di video kòrtiku (1-3 minüt) ku ta destaká un problema di plèstik i un posibel solushon.
- Siña abilidatnan básiko di kontamentu di historia di video: skript/storyboard, filmashon i edishon.
- Investigá desperdisio di plèstik den bo kas, skol òf bario.
- Reflekshoná riba komportashon personal i di komunidat rondó di uso di plèstik.
- Siña kon pa inspirá otronan a traves di kontamentu di historia digital.
- Fortalesé bo alfabetisashon digital i ambiental.
Haña inspirashon
E aktividat di badge aki ta transformá partisipantenan den “Reporteronan di Detektivo di Plèstik.” Pa medio di kontamentu di historia i trahamentu di media, nan ta dokumentá retonan i solushonnan di bida real relashoná ku desperdisio di plèstik.
E ta yuda hóbennan desaroyá nan bos i vishon komo eko-reporteronan, miéntras ku trahadónan i organisashonnan hubenil ta haña hèrmèntnan pa sostené siñamentu basá riba proyekto usando video mobil.
Wak e ehèmpel di rapòrtnan riba: GreenKidz YouTube Channel
Eksplorá inspirashonnan di lès: GreenKidz: Plástik & Resiklá
Tuma akshon: aktividatnan pa diferente ròl
Eksplorá e badgenan spesífiko pa e ròl aki bou diseñá pa mehorá bo komprondementu i práktika ku reportahe di video tokante sostenibilidat.
Hóbennan: Por siña kon pa usa teknologia den kontamentu di kuenta dor di traha un storyboard i video di formato kòrtiku: “Video di Rapport di Detektivo di Plèstik”. Dor di entrevistá un hende òf mustra un lugá ku ta ilustrá uso òf desperdisio di plèstik, i kompartí e video kòrtiku.
Trahadónan hubenil: Guia hóbennan den e proseso di raportahe, usa diskushonnan di grupo i ehèmpelnan pa lanta ideanan i duna sosten di teknologia òf kontamentu di historia.
Organisashonnan hubenil: Por Integrá e aktividat di video aki den programanan di edukashon di sostenibilidat òf medionan di komunikashon, oumentando akseso na hermentnan di kontamentu di historia digital pa yega na hubentut.
Aktividatnan di Siguimentu Sugerí
Organisá un kompetensia: Kombertí bo aktividat di video den un kompetensia pa henter komunidat òf basá riba bario. Invitá hóbennan pa entregá nan mihó Rapport di Detektivo di Plèstik—un video kòrtiku i kreativo ku ta destaká un problema di plèstik real i un solushon inteligente. Enkurashá kontamentu di historia, humor òf kultura lokal.
Kombertí bo video den un podcast: Duna bo rapòrt di video un di dos bida komo kontamentu di historia di oudio. Alumnonan por usa telefon òf un mikrofon simpel graba un vershon di e rapòrt di video komo un podcast, agregá echonan èkstra òf entrevistanan i reflehá riba bo eksperensia komo un “Detektivo di Plástik”. Usando hèrmèntnan grátis pa graba i publiká.
Ekspandé pa otro tópikonan di Sostenibilidat òf Sosial: Ta enkurashá hóbennan pa apliká nan abilidatnan di medionan digital na retonan di bida real ku nan ta preokupá kuné, kombertiendo siñamentu den liderazgo.
Reklamá rekonosementu di badge habrí
Ora nan kompletá e aktividatnan, partisipantenan por reklamá badge digital ku ta rekonosé nan kompetensia den:
- Buskando i evaluá kontenido digital (DigComp 1.1)
- Konsientisashon di Medio Ambiente (Trabou Digital pa Hubentut)
- Konsumo Responsabel (UN SDG 12)
- Kontamentu di historia i komunikashon digital (Alfabetisashon di Media)
Ken a krea e rekurso aki
E aktividat aki a keda desaroyá dor di Curaçao Innovation & Technology Institute (CITI) den kolaborashon ku GreenKidz Curaçao.
Pa mas ku un dékada, GreenKidz a empoderá mucha i adulto pa tuma akshon pa un futuro mas sostenibel. E aktividat aki ta sostené nan ambishon pa ekspandé e uso di hèrmèntnan digital pa enbolbí hóbennan, amplifiká nan bos, i inspirá nan pa bira pensadónan krítiko, defensornan i futuro lidernan den sostenibilidat.
Optené badge di aktividat
Mentor di Reportahe di Video Responsabe Optené e badge akí
E badge aki ta rekonosé trahadónan hubenil ku ta yuda hóbennan konta historianan real pa medio di reportahe kòrtiku di video. Komo mentor, bo ta guia hóbennan den planifikashon, filmashon i publikashon di videonan ku ta duna visibilidat na nan bos i asuntunan di komunidat, manera desperdisio di plèstik, salú mental, òf akshon lokal.
Habilidatnan i eksperensianan optené
E badge aki ta aliña ku e kuadro di kompetensia di LifeComp i DigComp i ta sostené e desaroyo di:
- Habilidatnan di mentor i fasilitashon
- Kontamentu di historia digital i alfabetisashon di media
- Planifikashon i kordinashon di aktividatnan kreativo pa hóben
- Liderazgo i kolaborashon den tim
- Empoderashon di bos i partisipashon di hóbennan
Kompletá 2 tarea pa gana e badge aki.
You have to finish 1 task to get the badge
Tasks
Task no.1
Evidence verified by: un organisadó di aktividat
Introdusí hóbennan na loke ta hasi un reportahe di video kòrtiku poderoso: un mensahe kla, bos outéntiko, i bon imágennan visual. Splika ku un “rapport” por ta mes simpel ku kompartí un historia di 1-2 minüt, entrevista òf mensahe di konsientisashon.
Kiko pa hasi:
- Kompartí tutorialnan simpel òf ehèmpelnan (p.e. videonan kòrtiku riba desperdisio di plèstik òf tópikonan sosial) i yuda nan pensa riba ideanan di historia. Por ehèmpel Eksplorá e videonan di enseñansa di BBC.
- Wak un video kòrtiku ku e grupo. Por ehèmpel e video aki riba polushon di plèstik.
- Diskutí kiko ta funshoná i kiko no ta funshonáSostené hóbennan den trahamentu di skriptnan kòrtiku òf storyboardnan pa nan videonan.
Subi un deskripshon kòrtiku òf potrèt di bo proseso di fasilitashon komo evidensia.
Task no.2
Evidence verified by: un organisadó di aktividat
Mustra hóbennan kon pa filmá klipnan kòrtiku i edishon básiko. Enfatisá ku kontamentu di historia ta mas importante ku kalidat di produkshon perfekto.
Siña tepnan básiko pa filmashon:
- Tene e telefon horizontalmente (a ménos ku bo ta filma pa TikTok òf Reels).
- Usa lus natural ora ta posibel.
- Tene e mensahe kòrtiku i direkto (ménos di 2 minüt).
Demostrá hermentnan di edishon rápido:
- CapCut: app simpel pa telefon.
- Canva Video Editor: herment di browser di drag-and-drop.
- Clipchamp: editor di desktop grátis di Microsoft.
Tambe:
- Enkurashá nan pa inkluí suptítulo pa aksesibilidat i klaridat.
- Laga e grupo buska i wak tutorialnan di video huntu.
Kiko pa hasi:
- Yuda hóbennan graba nan video kòrtiku usando un smartphone òf tablet.
- Guia nan segun ku nan ta editá i agregá nan mensahe.
- Publiká videonan kla riba e medionan sosial di bo organisashon òf grupo.
- tip: Selebrá dor di wak tur video huntu
Evidensia pa entregá:
Kompartí e linknan pa por lo ménos dos video publiká i un nota kòrtiku tokante kon bo a sostené e proseso.
Lokalidat
Curaçao
Skills
ESCO
#develop a recycling program
ESCO
#checking recycling procedures
ESCO
#advising about pollution prevention
ETS-TR
#Consciously provides space for dialogue and interaction taking into account learners’ values and beliefs and offers space to reflect on them in the educational context
#Nivel ekselente. Ta krea diferente tipo di kontenido digital i sá kon pa sostené otro den proseso similar (p.e. podcast; vídeo)
#Nivel ekselente. Ta empoderá grupo di hóben pa usa nan pensamentu i imaginashon krítiko pa diskutí tokante e implikashonnan étiko i haña solushon pa asuntu manera profilahe, filtrashon algoritmiko òf prehuisio algoritmiko.
#Bon nivel. Sa kon pa organisá aktividat edukativo i partisipativo konektá ku derecho digital di hubentut, i a organisá diferente ku vários organisashon.
#Bon nivel. Ta pone ophetivo di siñamentu ku hóben pa trabou digital pa hubentut.
#Nivel básiko. Ta usa hèrmènt i aparato digital básiko pa hasi algun aktividat di trabou hubenil digital ku hóben, basá riba propio intuishon
Organisadónan
Digital Youth Work Resource Hub
Badgecraft ta fasilitá e plataforma akí i ta desaroy'é huntu ku organishonnan líder den edukashon. E programa Erasmus+ di Union Europeo a ko-finansiá kreashon di e promé vershon di e plataforma akí. Tuma kontakto ku support@badgecraft.eu.
Plataforma
Kambia pa otro idioma:
